Khutsiba kang roh-i, ‘Singrep Adventure’ thali kyahshangrüti ko shitsehrüti nengdang khangthru lile
Nyühekehchah nyangnyü khüdu, Kiphire yangdi lanü Singrep yangdong mükyah ko azong chah dhingmütheh de, ihsa akang sing dangbülong bhongcho kyo, mühpah tu liba ko pubu-nü yangdi-ti la liba lanü khyayoh tsinü müyahmürah lihmükyah ko nyübongza atsa khyünyü mükhyahcho
Kiphire Yangdi lanü anyangnyü müyü lanü dikeh rehtseh khüdu o-shi anaying lang tsehnung ko khodederü ‘Singrep Adventure’ kyahshangji chinungnang, akhaang chah yapü mükyah-ti dhing nyekaa kyahseh tsehba sü npüchüre.
Singrep Adventure kyahshangji müdüm tsü nguba-müdüm khüdu lile. Tsingse rode anyangnü amüseng nyübong xümba ko Kiphire sühdi-yang mükang azongti apüm nyükhi-nü sühti-nü jing adhingtang lümsünü kihdi athru pohtsicho roh-i nguhre. Nyü chüropü mütohzah Kiphire District la yangdong-ti, müyahmürah murong-ti ko Saramati Zong la shurü-nü müshüti liba ngure
Alopu. Atsungba Sangtam chah-nü yusi aichi, hiba müdüm la tsuyongchehba-ti ngunung ko kyahshang yüpnyürüti nengdang kuhza lile ko sühkuh-ti sü lile pü changtacho. Awünyürü likhang hilanü chotapü (Mob – 6009538637) küdü dhing. Anyemüyangnung amüseng nyübong ko lihmükyah atsa!