Lihpikihna (Oasis) tsü Sangtam yucho la akhudiba apta yu online khu nyichoba jükeh khüdu lile. Hiba dhingkeh tsü yusi, müdhesohba ko yutsetase khu ihsa müyurüti khyang anyichonung nengdang tasejüba lile. Hi khu müyurüti-nü palu akang lili nengdang athsalang müdheba ko jümüyu nyichonung.
Müyurüti-nü palu atpa yu nyichonung ko nana thsa lede bichnung la mücimüjühcho ko hi khu yu changnung dhengcheh Lihpikihna tsü atpa yu nengdang tsungtiba ko dhikehjüba thsa dikehcho. Hiba nguchi tsü Thsütisümsüm 2020 kang Nyükhih Sobho khu sobho chürojü-nü nguchicho ta alimi azikeh te iphu, Lihpikihna dsicheh-nü ihsa yu anyichonung nengdang jükeh langkhu khüdu thsare.
Müyurüti alaa nyichosohnung ko lümzisohnung nengdang müküp-trota nguchide, ihsa liyahmülung nengdang dhingkeh atsa, müyurüti kahla anyicheh khüdu ko palu lümchung la athsalang thonguba nengdang trota nguchinung chehchore.
Hiba nyichoba jükeh la khirüti-nü trotacho khu ihrü nengdang tase lile ko trotarü apüm te mütohzah akünyang changtare