Yumüdong: “Anbü la Rungnümchiba” (Efesiarü 6:14-17) chah jükeh 79uba United Sangtam Baptist Lithroti Ashimükhong (USBLA) Kangchangka Thüpcheh 2025 chünye anyüzehlang mübü thüpcheh müyüuba khyü-nü zikacho
Anyangnyü mütoh bible study tsü atü roh-i mütohzah khyücho ko mübü thüpcheh asanguba tsü 10:00 anyangnyü khyücho. Assoc. Pastor Sangtam Baptist Lithro Purana Bazar, Lichangse-nü Thüpcheh langnücho ko Mission Board Chairmanti-nü adikeh dangkhidangnang khyü Thüpcheh dikehcho. Thüpcheh la jühcho kyo, Azii Tokishe Yeptho, President, Eastern Sumi Hoho ko Azii Lipichem, President USBLA anyü-nü yuchocho ko yudsirüti te anbü ko shutsa khüdu thsanü akang liwünung ko mütohzah yuje la Tsingrangba dikehnung thsüchicho. Secretary, Church & Mision Athrongse-nü Anbü la Rungnümchiba: Yuzithsaba Lithro (R. Nguchi 1:1-8) yunah chah jükeh thsingyucho ko achangka la amülung-nü zika dangkhidangnangcho.
Nyüthong la Azasho Thüpcheh sü khyücho ko hiba Thüpcheh tsü Secretary, Youth Throngethsi-nü langnücho
Mütohzah, Children Pastor Kiphire Village Baptist Lithro, Akhumla-nü anyüzehlang achangka mübü thüpcheh langnücho ko Women Pastorti-nü adikeh dangkhidangnang khyü thüpcheh dikehcho. Azii Tohevi Sangtam, GB Sitimi Village nü akünyang yu chocho ko Old Fragrance Kiphire-nü khi khu yusi hicho. USBLA chah-nü akünyangba changtacho ko nyükheh asi nyümkehjühba bekhyah khyücho. Anbü la Rungnümchiba: Khingkurü (Romrü 12:2) yunah chah jükeh Aprie Anar-nü thsingyucho ko amülung-nü dangkhidangnang khyü thüpcheh zikacho.
79uba thüpcheh ayung adikeh lanü achangka tashi, Tuensang School of Music-nü mübükhi atsauba lanü thsa nohlüm khyü khi nücho