Yumüdong: “Anbü la Rungnümchiba” (Efesiarü 6:14-17) chah jükeh 79uba United Sangtam Baptist Lithroti Ashimükhong (USBLA) Kangchangka Thüpcheh 2025 tsü Sitimi Village Sangtam Baptist Lithro la Chola 28, 2025 nyümong-nü dikehcho. Hiba ashimükhong tsü Sitimi Lihyung la liba Sangtamrü Baptist Lithroti dhüroh nü chehcho mungre ko Chola 30, 2025 nyümong changkanung.
Yusi aichi, Lithro 72 ko Fellowship 1 lanü thromütheh-nü rorüti 408 nengthrahyohcho.
Thüpcheh la jolicho aichi, thüpcheh nyokhurüti hiri thsacho: Idiba, Assoc. Secretary, Church & Mission, Rotila (Assoc. Secretary, Women) ko Hotingse Pastor Sitimi Town Baptist Lithro.
Pastor Langzanger Baptist Lithro Alobe. Amos-nü nüpü nyitsarü 27 tashi Sitimi Lihyung Lithroti lanü xükümrüti throchehcho ko akang jüh nguchicho dhingchehcho.
Akhudiba nyümong anyüzehlang, Executive Secretary USBLA Rev. Y. Imtiba-nü Dangkhidangnang jüh Thüpcheh khangthrujühcho. Azii.L Athrise Chairman Planning Committee nü künyang khyüchocho. Secretary USBLA Dr. H. Apise-nü thüpcheh nahdhingkeh ko lümlong changtacho. Sitimi Village Sangtam Baptist Lithro ko Au Yuva, Yingphire Baptist Lithro arüh mülung anyüh-nü khi khu yusi hicho. Secretary, Christian Education R. Surotsala-nü Anbü la Rungnümchiba: Tsuzarü (Azika Yu 6:6-7) yunah chah jükeh thsingyucho.
Anyüuba nyümong (Chola 29, 2025) anyangnyü Bible study licho. Mütohzah shajangah la Sitimi lihyung Baptist Lithroti-nü tsuyongba ko palunü külüpchehchoti nyüthong tashi icho. Mütohzah anyüzehlang anyüuba mübü thüpcheh khyücho. Women Pastor, Angangba Baptist Lithro, Kanglila-nü thüpcheh langnücho. Seyochung Lihyung San Nyahrü mülung-nü adikeh dangkhidangcho ko Azii Thrikyüse Hd. GB, Langzanger-nü yuchocho. Thüpcheh la USBLA staff-nü anyinyünung mübükhi atsa thsa yuchisohcho. Anbü la Rungnümchiba: Müshoba (Luk 16:10-11) yunah chah jükeh Secretary Finance USBLA, Rongsenungba-nü thsingyucho ko Youth Pastorti-nü mübü zika dangkhidangnangcho.
Kangchangka thüpchehti te aroh, Sitimi Area Sangtam Students’ Union (SASSU) nü District Health achangsahchung te chingkeh dhsangnangrü nengdang Emergency & First Aid Care nguchi-nguyang nohlüm khyücho.