Better Life Foundation (BLF) Nagaland-nü India yanglih nengdang ko North East India nengdang Chola 3, 2025 nyümong anengse hirocho. BLF sü zeh limih apüm lanü mülung 30 o-shi nengthrahyohcho. BLF-nü yangtsa külüpchiba ko culture-centred tourism la nguchi-nü amülichiba hirocho nengdang yuzithsajühcho ko ICRT Global Silver Award for Peace tsü Azii. Sethrichem khyang jiyühcho. Hiba nengkhongjiyüh tsü India House, London la World Travel Market (WTM) 2025 lide akoh ngu jiyühcho.
2022 kang Azii. Sethrichem-nü Rural Development la akohcho nguchi rocho khu Rohini Nayyar Prize 2022 jiyüh ngucho ko mütohzah khutsiba Mungmung 13, 2025 nyümong sü, Indian subcontinent Gold Award for Responsible Tourim Nengkhongjiyüh tsü abi khyang jiyühcho. Hiba jiyüh tsü Yashobhoomi (India International Convention Centre – IICC), Dwarka New Delhi la lide International Centre for Responsible Tourism (ICRT) ko Incredible India-nü jühcho.
United Sangtam Students’ Conference-nü Better Life Foundation (BLF) Athridirü Azii. Sethrichem Sangtam khyang dhichi-nü anengse jühcho. Liyahmülung nengdang tase jüh nguchicho ko Azii. Sethrichum-nü akang jüh chehcho nguchicho hiri dhingcheh anengsejüh USSC-nü kohse jühcho.