Hon’ble Union Finance Minister Azingbe. Nirmala Sitharaman-nü Kiphire Aspirational District xodingnung yusi yuchi-te, United Sangtam Students’ Conference-nü dee künyangcho changtacho.
District Administration-nü akihzah kuthsi tu linye, shirü azitpü xodhing nyümong nengdang atsauba lanü nguchi-nguyangti ko tungte lang ti külüpchilicho dhingcheh USSC-nü akünyang changtacho. Tungte lang khürü la ate tashi münguchicho ngu müci mükyangcho ko zah-nü Kiphire xükümyang la tungte lang ti sü zeh bekhyah-becho la külüpchilinung müdhesohcho
Mütohzah USSC-nü Kiphire District la liba müyurüti apüm te, ihsa saying atsa ngusoh-nü atsauba lanü-nü Minister khyüchonung changtacho. Minister-nü xodhingnung liba tsü akoh ngusohng ko akünyangnung atikehba nyümong thsasohng pü changtacho
Ngahthung: KP