United Sangtam Students’ Conference-nü Centre Baptist Lithro, Yangli xodhingcho ko Oriental Theological College (OTC) la anguchirüti, athsingyurüti ko akhihrüti te yulümtaba licho.
Anbü yu shurü-ti, yudsi langbürü-ti, sannyahrü atsa-ti, athsingyurü-ti atsa alaa suchehnung nengdang OTC tsü Anbü-nü nüba nyichoji thsasohng pü USSC President-nü changtacho. Ibrirü 12: 5-6, Johan 10:10 ko mütohzah Choyoh 9:10, Riwürüti Nguchi 1:8, Joel 2:28 chah jükeh akhirüti khyang docho. OTC tsü Sangtam sakoliyahmülung ko Khrista chah yudsirüti nengdang akanglicho kuthsi lile pü changtacho.
Executive Secretary USSC Alopu. L. Khumcholiba Sangtam-nü yulümta la pümji nücho. Dr. C. Chemtingla Sangtam-nü nüpü athsingyurüti-nü mükhoh la zehrüti nengdang akang jüh nguchicho ko nguchiyacho dhingcheh, abinü arüh khyang akünyang changtacho ko anengse jühcho. Abinü mütohzah akhihrüti te saying atsa, Tsingrangba jengreng drüba ko ashu-amünyüla Abüdongba yusi atsa sobhonung nengdang akang jühnung thsüchicho.
Mütohzah, USSC-nü xodhing te, aroh-nü anguchinungti ko azikeh nengdang lümdhingjühcho. Sakoliyahmülung ko Khrista chah yudsirüti nengdang amüwanung dhingcheh, USSC-nü müyurüti te OTC nengdang mütohzah dhrüze jühnung changtacho.
(Ngahthung: WP)