Prime Minister Narendra Modi-nü X la thrahyoh akünyang ko salüm seyohjühcho. Abi-nü yocho: “Hiba nyümong khu ihsa apüm tase lahkeh-nü aroh-nü Vikshit Bharat lümchung liba chah jükeh chungba-e”.
Kuhdrangnyü nyümong India-nü 77uba Republic Day 2026 chehcho mungcho ko yanglihsühdithah la khyüde India tase-ti züde ngusohcho.
Kartavya Path la India President-nü nü mungcho. Chükang Republic Day la Tungte Shirüti tsü President European Council Antonio Costa ko President European Commission Ursula Von Der Leyan anyüh thsacho.
Palu lih müiba khi ke Vande Mataram liro, Hiba khi kang 150 pisacho amüdhe thsa khithsarü 100 o-shi nü nohlüm khyü khongtikhi zeh khithsacho. Chükang yumüdong tsü Vande Mataram thsacho.
Indian Air Force-nü, Indian Navy ko Indian Army-nü nohlüm khyü palu changsah aichi tase ngusohcho ko Operation Sindoor la bichi-nguchiba sü ngusohcho. Mütohzah parade la yangliza-ti lanü sü palu yangliza aichi nohlüm khyü jümüliliyah sü ngusohcho.
