Nyüthro 15, 2025 müsütüpnyü romang, 77uba United Sangtam Students’ Conference Sühdi Shimükhong zasho thüpcheh khyücho ko Sangtam Students’ Union Tuensang Town-nü khangti nguchiyah nohlüm khyü khangticho.
Former Minister Nagaland Thsaxüküm Azii. V. Kashiho Sangtam tsü Zasho Thüpcheh Shirü (Valedictory Guest) thsacho. Kang 77 pisacho ta tu suro jingki la ihsa liro Ihsa sakholiyahmülung hi bekhulang khüta nowüro, hütsüri lümdhing-nü nyichonung dhsütahle pü abi-nü changtacho. Mütohzah abi-nü akhihrüti te akhihba la müci jühng ta palu-nü kohchehba lushu ko jiyüh sü bichinung thsüchicho, hi khu akang lili la nguchikohchehnung changtacho.
Thüpcheh la zehcho kyo, Sitimi Area Sangtam Students’ Union ko Western Sangtam Students’ Union arüh mülung anyüh-nü khongtikhi khu khi thsa-nü thüpcheh langnye jühcho.
USSC Vice President Azii. Thinglise Sangtam-nü achangka akünyang yu khu changtacho.
Mütohzah thüpcheh aichi yusi jühba bekhyah la hiri-nü yusi jühcho: Sühdi yusi, Thsihüm yusi ko Throcheh mülung yusi
Adikeh de, Chare Area Pastors’ Fellowship President-nü azengtacho khi adikeh dangkhidangnangcho ko Longmatra Lihyung San Nyahrü Akehta Mülung President-nü thüpcheh zika anengse jüh dangkhidangnangcho.