‘Hiba lung michah I Lithro külüpnung’ nahdhingkeh chah jükeh, Sitimi yangdong la Executive Secretary United Sangtam Baptist Lithroti Ashimükhong (USBLA) Yangli, Rev. Y. Imtiba-nü Sitimi Village Sangtam Baptist Lithro Amübükuh asi müzeh khangthru-jühcho.
Amübükuh asi müzeh thüpcheh tsü Thsütisümsüm 04 ko 05, 2025 nyümong licho. Thüpcheh-ti la yunah hiri chah jükeh thsingyucho: Abi kuhla anengse jo züdung, Hiba lung michah I Lithro külüpnung ko Tsingrangba kuh ko ninglang dbükhüm. Thsingyurü-ti hiri thsacho: Rev. Y. Imtiba ES USBLA ko Alopu. Litho, Associate Youth Secretary USBLA.
Langzanger Baptist Lithro, Natsami Baptist Lithro, Azetso Baptist Lithro, Yangsekyu Baptist Lithro, Sitimi Town Baptist Lithro, Seyochung Village Baptist Lithro, Hurong Baptist Lithro, Shishimi Baptist Lithro, Longmatra Village Baptist Lithro, Sitimi Village Sangtam Baptist lithro lanü Sanyahrüti apüm thüpcheh la nohlüm atsa khyücho.
Three Fathers Sitimi village, Sitimi Town Baptist Lithro, Sitimi Village Sumi Baptist Akukuhou ko Alobe Chumthrila, Women Pastor SVSBL arüh mülung-ti nü Abi nengse-nü khi thsa müyurüti longnyüp yuchisohcho.
Azii. Sethrongo GB, Azii. Tsalise, Chairman Church Construction, Er. Alongse Joint Director, Azii. H. Likhase ko Azii. Setsapa Deacon SVSBL arüh-nü sü akünyang yu cho-nü thüpcheh la nohlüm khyücho.
Sitimi kichomüdüm pohki Lithro-ti, Sitimi yangdong suro nyitsarü-ti ko tsunyahrüti zeh amüwanung ngu thüpcheh khyücho