Yanglih apüm michah athsarü nguchi adiuba nguchi tsü Matsekhyüm 16, 2026 nyümong-nü dikehnung Centre-nü throcheh müdhesohcho pü Nagaland Governor Ajay Kumar Bhalla-nü Yangliza Assembly la Monokhih (Census) nengdang müdhesohcho.
Yusi aichi, Nagaland nengdang Monokhih 2027 (Census 2027) tsü Chingmüdong 1 lanü dikeh 30 nyümong tashi khyünung lile ko anyüpiu thsa khyünung. Akhudiba tsü Kuhtrüp khihyohnung ko kuhtrüp khihnung nguchi zehnung. Palu-nü khiyohnung nengdang sü Matsekhyüm 16 ko 30 kahla sü thsanung kohnung pü müdhesohcho.
Anyüuba nguchi tsü mono thrahyohnung ko hi tsü Sehtpheh 2027 choo la linung.
Governor-nü yuzeng külüprü-ti te yangliza athsarüti nguchi la dhrüze jühnung nengdang ko atsauba lanü census nguchi thümnung nengdang trotanung kichi changtacho.
