Matsekhyüm 6, 2026 nyümong StarGazer Events pohki jengza asi StarGazer Rental müzeh thüpcheh khyü khangthru dikehjühcho. StarGazer Rentals la sound system kohro asi adrong hiyohcho.
StarGazer Events Kiphire tsü 2019 kang dikehcho ko district la thüpcheh-ti ko atikehba bekhyah adrong la dhrüze jühcho pü Director StarGazer Events Azii. Albert Jingrüh-nü changtacho.
Hiba asi kohroti tsü Chief Minister’s Corpus Fund khu trocho ko hi khu kohroti asi liyohcho. StarGazer mülung-nü lümchung akoh ngusohcho nengdang Nagaland Chief Minister Dr. Neiphu Rio ko Deputy Commissioner Kiphire Azii. Temsuwati Longkumer, NCS anyüh te akünyang müdhesohcho.
Müzeh thüpcheh la, Deputy Commissioner Kiphire-nü StarGazer zikeh dhingcheh kohse changtacho ko müdrongchehmülung la dhrüze akohcho jühnung rezehsoh changtacho. Mütohzah StarGazer-nü khithsarüti nengdang jiyüh-ti atsauba lanü bichinung nengdang thsathsa atsa alang papa khu yangchi-nü trota dhrüze jüh rocho nengdang sü abi-nü künyangcho müdhesohcho.