Nagaland thsaxüküm-nü Frontier Nagaland Territorial Authority (FNTA) nyengchotaba aichi münguchicho ko Memorandum of Agreement (MOA) la zehba tungte khürü mülihchinung müküpdhingcho dhingcheh Eastern Nagaland Peoples’ Organisation (ENPO) nü mükünyangba müdhesohcho.
Sehtpheh 05, 2026 nyümong MOA aichi legislative, executive ko financial hiri tsü palu-nü yangthsathsanung nengdang nyengchota licho ta Yangliza thsaxüküm-nü khanglang shehliba dhingchehcho. Nyengchotaba chah nengchüm thsapü thali pehnung mahkhang throkehnung thsakhang MOA tsü amii mühle pü ENPO-nü changtacho.
Centre, Yangliza thsaxüküm ko ENPO kahla nengchüm thsapü khanglang, yangliza thsaxüküm-nü shehli mücimüjühba nengdang dee soh lümdhingcho ko tungte atsingdhingnung athsalang müdhesohcho.
Kang asang o-shi thüpta liropü hee-ho thsacho ko achangka thsa nyengchotaba licho. Khanglang sheli-nü yuzeng müdherü lümchung khyünung chungba tsü dee soh-nü tsingdhingcho.
Centre-nü FNTA nyengchotaba chah apa lümchung hirokhang mahkhang hi khu khanglang atikehba mütohkhang Nagaland thsaxüküm khe thsanung e-pü ENPO-nü müdhesohcho. Eastern Nagarü müyurüti azikeh nengdang nyengchota liba aichi nguchinung dhsütahle pü ENPO-nü mütohzah thsaxüküm de müdhesohcho
Khutsiba la Sehtpheh 5, 2026 nyümong New Delhi la Union Home Minister, Union Home Secretary, Nagaland Chief minister ko Nagaland cabinet khiyohti zeh FNTA anyengchota nengchüm thsacho. Mütohzah, tusü mümülihchi pü MOA la zehba aichi zahnü FNTA Bill tsü Nagaland Legislative Assembly la pass thsanung müdhesohcho