Seyochung Village Students’ Union-nü 64uba Triennial Session akohngu khyü changkacho ko akhihrüti 171 o-shi khyang akhihba vakhati chahlajühcho.
Azii. T. Chorise Anar nü Liliyah Shirü thsa, 64uba SVSU Thüpcheh atü changkacho.
Liliyah rikinung nengdang pürü chah müdümpinung ta jümüthsiking, luhthsa-bhithsa ko khethsi thsa nguchi hiri tsü müchangsohnung thsa jümüyah akang linung nengdang Azii. T. Chorise Anar-nü thsüchicho. Mütohzah, abi-nü Zithsingkyü trah nengla yangdong la watch tower külüpjühnung nyengchocho.
Thüpcheh la yuchorüti hiri licho: Thsioli Executive Chairman SVSU, Daniel Sechopi President Seyochung Village Union Kiphire Town, T Thinglise Vice President USSC.
Amii mükhyüpü akhihrüti 171 o-shi khyang Eduversity te chingkeh NPSC nengdang akhihba vakha ti chahlajühcho pü Longtili C Sangtam SVSU President-nü yocho. Abi-nü mütohzah Seyochung Village Council, Lithro, Suro Pümji, Seyochung Village Union Kohima, Seyochung Village union Kiphire, Seyochung Village Union Seyochung Town, Seyochung Village Union Dimapur arüh nü lüpcho la trotacho nengdang akünyang changtacho