Chünye Seyochung Village Students’ Union-nü Seyochung yangdong la 65uba sühdi yulümta khyücho.
2026 tsü akhihrüti thsaxüküm nguchi nengdang atohtarüti khyang dhrüze jühba kang thsanunge-pü shibülong lirüti te Alopu. Longtili C. Sangtam President SVSU nü müdhesohcho.
Abinü lakeh yocho: UPSC/NPSC la tohtanung akhihrü khüdu khyang tsü Azii. Rupin Sharma, IPS nü 100% scholarship tronunge-pü yusi jühcho ko Dimapur la thsanye Kohima la thsanye tronung müdhesohcho.
Lahkeh linü, UPSC/NPSC nengdang tohtanung akhihrü anyüh khyang EduVersity te chingkeh 100% scholarship tronung müdhesohcho ko aparü tohtanung liba akhihrüti khyang thsihchang 80 (80%) tronunge-pü yocho.
Yulümta lide mütohzah, Azii. K. Chemseli Anar’s Scholarship 2025-2026 sü akhihzarü anyüh khyang jiyühcho. Akhihrü mülung-nü Azii. Chemseli te abi-nü nguchi atsa nguchicho nengdang akünyang changtacho.
SVSU President-nü mütohzah akhirüti te thsatsa atsa khyünung thsüchicho ko akihchocho nyümong pohki-nü nengthrayoh khyünung müdhesohcho.