Yumüdong: ‘Celebrating Faith Beyond Ages’ chah jükeh Chengyong 20, 2025 nyümong Phelungre yangdong la St. Thomas Lithro kang dhüyang pisacho amüdhethsa künyangthsüti mungnung lile ko amübükuh asi müzeh khangthrunung.
President CAN & Jt. CEO NSDMA Nagaland Thsaxüküm, Dr. Johnny Ruangmei tsü Tungte Shirü thsanung ko Bishop of Kohima, Nagaland Most Rev. Dr. James Thoppil tsü Jengreng jüh shirü thsanung.
Alopu. Yangthsaba Nathaniel ko Dr. Hezinglila Grace anyüh-nü mübü Thüpcheh la langnünung ko Alopu. Denis Tsaloba ko Alobe. Joycee Sudila anyüh-nü nengsejühba thüpcheh langnünung.
Mübü thüpcheh te aroh; Azingbe. Yongtsüchi Cecily ko Yutsachi Cecily anyüh-nü jümüyah khongtikhi nünung, künyangthsüti nengthsalung tsü Most Rev. Dr. James Thoppil-nü Dangkhidangnang khyü müwajühnung ko Dr. Johnny Ruangmei-nü lehchehjühnung, künyangthsüti nengthsashü tsü langnürü Azii. S.K. James-nü zingkehjühnung, alümkehnung lung tsü Rtd. Director RD Nagaland Azingbe. Azenuo Concepta Pienyii-nü lechehnung ko Azii. John Tsulise Sangtam, IAS nü ririrüm müjüp-nü lehchehnung, Azii. P. Tsaseto Hd.GB Phelungre ko Azingbe. Roukouheü Roselyn Miachieo President NCWA anyüh sü thüpcheh la alahtsah yuchonung.