ENGOA khiyoh la zehrüti khyang athsamehcho müli pü amükang la neng dangchi-nü anengchüh jühba tsü müci mükyangcho. Napi thsanye, amülung-ti thsanye neng dangchiba mahkhang nengchüh jühba hiri khyang yuzeng aichi bichi nguchinung Eastern Nagaland Gazetted Officers’ Association-nü amüzahba müdhesohcho.
Khutsiba nyümong-ti la IAS Induction khiyu bichi lide, ENGOA President Dr. Anungla Imdong Phom khyang amükang lanü aneng dangchiba ko nengchüh jühba tsü dee amüthsalang dhingchehcho ko müci mükyangcho changtacho. Apükyü khyang nyümba ko anengchüh jühba tsü amüthsalang. Thsaxüküm-nü DoPT ko UPSC la anguchinung liba aichi nguchiba tsü athsalang dhingchehcho ko khyengta-nü khiyu bichiba tsü amüthsalange-pü changtacho.
Napi ko amülung ti nü tsidsa-nü nguchiyah-ti mümüdhe pü masü-masü neng dangchiba hiri tsü saying amütsa ko akhyüba mah pü ENGOA-nü changtacho.
Eastern Nagaland lanü azirüti lümlong khüdu thsa lile pü drengdreng chehchore ko mütohzah hiroh-i athsangnyangba saying-ti hiri lanü müzah-müki linung napi ko mülungti apüm te müdhesohcho.
Khiyu-ti atsauba lanü müthrochehthroyoh pü yuzeng ko nguchi ayah aichi mütozah nguchinung nengdang Thsaxüküm te longlang-nü yudsire pü changtacho