Miss Kiphire Chongtunglongtung 2025 atsauba lanü akohngu khyü changkacho. Ariri keh ayahnguchi tsü GHSSS Kuhdi la Mungmung 27, 2025 anyüzehlang khyücho. Tsurenshe L (21) nü akohngucho ko akohkuthri thrijühcho.
Shangzila Yingbidhongrü (22) ko Rachel Y Sangtam (23) anyü tsü 1st Runner-up ko 2nd runner-up jiyühcho.
Miss Kiphire 2025 sub-titles hiri ngucho:
- Miss Photogenic: Ritila L Sangtam
- Miss Talent: Shangzila Yingbidhongrü
- Miss Multimedia: Rachel Y Sangtam
- Queen of Hearts: Retila T Sangtam
- Best Ethnic Wear: Tsurenshe L
Miss Kiphire 2025 ayahnguchi ayung Chingkela ko Lumthsingse anyü-nü langnücho. Yukharüti hiri licho: Longtise Assistant Professor ZPC, Neitho Khamo PR & Marketing Manager BASN ko Asela Rothrong, Educator & Former Administrator, NE India Academy of Performing Arts.
Col. Vikee Lamoria 41 Assam Rifles, Kiphire tsü Tungte Shirü thsacho. Atohta la nohlüm khyürü apüm tsü akohngurüti. Akohnguba tsü atungte ta akang lili nengdang atungte-uba tsü mihthrungmihziba e-pü abi-nü changtacho.
Akhum Anar, Rezila Mongzar ko Aseno Metha arü-nü khi khu dhingpümrü alaa longnyüpsohcho. Hiba ariri keh ayahnguchi la Telen L Thonger-nü designer thsacho ko Shangsila Sangtam Choreographer ko groomer thsacho. Api Anar ko KK Sangtam anyü tsü atangyohrü thsacho.
Chükang Miss Kiphire 2025 tsü District Administration Kiphire ko BASN te chingkeh, StarGazer Kiphire-nü chehcho khyücho ko longdi yingcho roh-i lümchung apüm tikeh akohngu khyücho.