United Sangtam Likhüm Pümji-nü chehcho Sehtpheh 17, 2026 nyümong Kiphire xükümyang Shajangah la Frontier Nagaland Territorial Authority (FNTA) akoh ngucho nengdang nengse jühba thüpcheh khyücho.
Azii. Aliba Sangtam President USLP, Azii. K. Asungba Sangtam, Study & Recommendation Team ENPO, Azii. R. Tsapikiu Sangtam Former President ENPO arüh asang-nü FNTA nengdang tungte yuchocho. ENPO müyurüti ko Nagarüti azikeh nengdang mütohzah khüdu thsanü nguchinung shibülongrü apüm te thsüchicho.
Azii. Island Peace Yangthsaba, Joint Secretary USLP-nü thüpcheh nücho ko USLP Athah Throzi Pümji Azii. Selongba Sangtam-nü shibülongrüti künyang khyüchocho.
Sühdi Athrahba USLP Azii. T. Rongli Sangtam-nü langnürüti khyang nengse jühba nohlüm khyücho ko ENPO Vice President Azii.L.Horangse Sangtam-nü FNTA zehchung changnah yusi jühcho.
Thüpcheh la zehcho kyo, Kiphire Lihyung Atparü Mülung-nü khitong-nü nohlüm khyücho.
Alahtsah yu hiri-nü chocho: Azii. Adekhing Sangtam (President USSC), Azii. Y. Sethrongba (Vice President ENSF), Azii. K. Tsilise Sangtam (President KDGBSA), Azingbe. Thsadila Sangtam (President AST), Azingbe. Asangla Cholong (Adikeh nguchirü nengla), Azii. Imlikumzük (President USGOU), Azii. V. Kashiho Sangtam (Ex-Minister), Azii. Muthingnyuba Sangtam (Ex. MLA) ko Azii. Yangseo Sangtam (Ex. Deputy Speaker).
Azii. Chopongkyu, Pastor KTBL ko Dr. H. Apise Sangtam Secretary USBLA-nü adikeh ko Azika Dangkhidangnang khyücho. Rev. Imtiba Sangtam Executive Secretary USBLA-nü FNTA nengdang anengse jo amüwa ching dangkhidangnang jühcho.
Achangka thsa, Azii. Kipitong Sangtam Vice President USLP-nü akünyang yu chocho ko Thüpcheh zikacho.
Thüpcheh la nyitsarü atrong shibülongcho ko yangdong müipi lanü sü langnürüti ronü zehcho.