Upper Penli Ward, Mokokchung yangdi la müwanyü nyangnyü luhnyiicho ko threzarü akhihrü anyü sücho ko atpa tsü dhsakehcho.
Asuu. Muwalong Sangtam (19) ko Asuu. Thsidiba Sangtam (16) anyü tsü jüninyü thsacho ko Queen mary Higher Secondary School Mokokchung la Class. XII ko XI la khihyacho. Arüh atpa sü dhsakehcho ko muikuh la mui khyü-nü lile.
ENPUM yusi aichi, asürü anyü tsü Merenba Sangtam tsurü lile ko Alisopur yangdong suro nyitsarü thsacho.
Luhnyiiba müdüm tsü Sangtam Baptist Lithro Mokokchung Pastor kuh-thahlang tikehcho. Luhnyii tsü Chingmüdong 29 anyangnyü 12:00 ko 01:00 kahla tikehcho. Arüh asang tsü luhnyii-nü kuh thsanyang nü bhümticho, Atpa tsü khümchocho ko muikuh lang himüchicho ta tsuzarü anyüh tsü mükhümchokohcho.
Yusi aichi, Sangtam Baptist Lithro Mokokchung la asürü-ti nengdang dangkhidangnang thüpcheh khyüpü suro yangdong Alisopur yang himüchinung changtacho. Eastern Nagaland Peoples’ Union Mokokchung (ENPUM) nü asürü kukhi te alongri changtacho ko dhsakehliba atpa nengdang sü zahnü kyangnung dangkhidangnang changtacho.
Kuhrüm-kuhshirüti amünyeh lirüti ko State Disaster Response Force (SDRF) arüh nü akhohcho khümchonung dhrüze jühcho.