Kiphire lanü nyitsarü asang, arüh mülung-nü nyümong 12 o-shi yongkhi-i shitsehba yusi yuchi, Nagaland thsaxüküm sü kih khu shitseh-shiyangba anguchinung lümchung nengdang alang khangthru lümdhingcho.
Thsalongse Sangtam-nü nüpü Limicho Sangtam ko S Tsapise Sangtam arüh-nü Tsohsu 5 nyümong Kiphire district la liba Zungki yongkhi lanü kih-i shitseh dikehcho. Abhekih Yongkhi ko Tizu Yongkhi khu Myanmar tashi arüh bürü-nü külüpba kitang lanü kih-i shitsehcho. Arüh-nü kitang neng tsü ‘Akhudiba avisa’ pü dsicho.
Asi shitseh lang tsü atsah thsacho ta arüh-nü bhamüling-ti mütohnye khyangchi shitsehcho ko shitseh ayung tangyohsing bichi-nü shitseh akoh ngucho.
Shitseh thümpü, arüh mülung tsü Nagaland Chief Minister shirünung dsiyohcho ko arüh-nü shitsehba yusi-ti changtacho. Thsaxüküm-nü aronung anguchinung nengdang lümdhing, arüh shitsehte tangyohsing khu kyayohba ti ko yutsidsa-ti khyübülungcho.
Yongkhi khu azikehba nguchi-ti nengdang alang adrong nguko ko kunuti nü sü lümcho asi ko thsathsa asi yangchinung nengdang Thsalongse-nü rezehsoh changtacho.
Hiba shitseh aichi, thali asi yangchi nguchehnung thsa adrong lile. Ihsa lihyung mahkhang kichomüdüm la adhrongcheh khyükhang azikeh nengdang thsathsa atsa linung changtacho.
(Yusihirü: Longtili)