Seyochung Village Students’ Union Triennial Session anyü-uba nyümong sü thüpcheh akohngu khyücho
Azii. Rupin Sharma, IPS DGP Nagaland mürochehcho khu abi nengla Azii. Disani Newmai, Additional Superintendent of Police Kiphire nü ro thüpcheh la nohlüm khyücho. Jümüliyah rikiba chah lahkeh sakholiyahmülung azikeh nengdang thsüchicho ko müdhrongchehmülung-ti mahkhang liyahmülungti aroh-nü yangtsa khu linung ko lümlong khütu thsa linung amii changtacho. Tungte shirü DGP tsü Delhi la tungte dhsütah licho khu abi mürochehcho pü Newmai-nü changtacho.
Yupohtpheh la Azii. Longtili C. Sangtam-nü Tungte Shirü khyang thüpcheh la zehchehnung thsa bekhyah jühchehcho nengdang akünyang changtacho. SVSU tsü 1963 la dikehcho ko ate tizah la akhihrüti 948 khiyoh like pü changtacho.
Alahtsah yu nohlüm la Azii. Lichose HD.GB ko Azii. Yangkhapa, Suro Pümji Abüdongba anyüh-nü yu chocho ko akhihrüti khyang thsüchicho.
Hiba thüpcheh khu azikeh, akehta, chehcho-nü langnüba ko anguhamüdhe la alaa adhrongcheh khyünung adhingkeh licho lümdhingjühcho.
Mütohzah, SVSU-nü DGP te yangdong la liba vakhiji tsü dhikeh-nü digitalize thsanung atroba nengdang changtacho.