64uba Seyochung Village Students’ Union (SVSU) Triennial Session chünye dikehcho. Yumüdong: ‘Rooted in culture, rising with sustainability ‘ chah jükeh Thüpcheh langnye-nü dikehcho.
President, SVSU Alopu. Longtili C. Sangtam-nü akünyang yusi sü changtacho. Eduversity te chingkeh dhrela thsanü NPSC ko UPSC la tohtanung nengdang akhihrü anyüh khyang scholarship 100% tronung müdhesohcho ko SVSU-nü NPSC la tohtanung nengdang akhihrüti khyang akhihba kohroti atu changtajühnung müdhesohcho. Mütohzah Essay atohta la akohngurüti khyang NSSB nengdang akhihba kohroti jiyühnung müdhesohcho.
Longtili-nü SVSU sühdi ashimükhong la trota-nü dhrela thsarüti apüm khyang akünyang changtacho. Tungte dhrela tsü Eduversity thsacho. Akehda Amülung tsü Green Partner ko Atsikeh Event tsü nguchi-nguyang la dhrela thsacho. Kiphire Page ko lihpikihna.org anyüh tsü yusi sobho la dhrela thsacho. Hi-Tech Printing service Kiphire nü nyehchehba nguchi-nguyang la dhrela thsacho.
Atsala Anar, Asst. General Secretary Eastern Nagaland Women Organisatio (ENWO) nü akhihrüti khyang thsüchicho. Jümü liliyah akang lisohba chah lahkeh ate shang la bichiba technology hi atsauba lanü ko amii linung thsa bichinung thsüchicho.
Dr. H. Apise, Secretary, USBLA Kiphire sub centre nü thsingyucho.
Liliyah ko jümüthsiking rikiba ko bekhulang nengdang anyichonung amülah ngunung alongdi lii-nü Triennial Session dikehcho.