Mübünyü nyümong Seyochung lihyung pohki yangdong apüm la Seyochung Area Students’ Union-nü Tsüptsi müdehsohba nguchi-nguyang nohlüm khyücho. Hiba nahdhingkeh tsü müyurüti pümfürü ko akang khümcho-nü linung nengdang, aikuh la tsuyongchehba kohro ti nyüthro akizah jüh liba hiri dhingcho.
SASU thsaazah pohki yangdong müipi akhihrü mülungti (units) apüm-nü nohlüm khyücho. Yuzi nengdang yahthri-ti sü khyücho. Tsuyongchehba kohroti bekhyah akizah jüh liba nyüthro chah khu mü-inung nengdang aikuh, shithsabhülehrüti ko müyurüti apüm-nü tsüptsi müdhe linung SASU-nü müdhesohcho