Nagaland Cricket Association te chingkeh Kiphire District Cricket Association-nü checho Chengyong 8, 2025 lanü dikeh, Kiphire la nyükhih ayung Under-19 Cricket shaja-nüchiba khyüyale ko Chengyong 13, 2025 nyümong thümnung.
Hiba nahdhingkeh tsü kunuti khyang nyichosohnung, amüdheba chah lakeh tase jühnung ko district la shajarüti khyang thsingyunung nengdang lile.
Shaja kohroti kükyü mülinye shajarüti-nü akang jüh adhrongcheh amülah khyücho nengdang Justin Khatomong T, President of the Kiphire District Cricket Association-nü akünyang changtacho. Association-nü cricket shajarüti khyang akohcho müci jüh nguchiyale pü müdhesohcho.
Shaja-nüchiba bekhyah la kunuti khyang kohchehkohnung nengdang lüpcho la rahseh linung Official Umpire, KDCA Longtili C Sangtam-nü thsingyucho.
Camp dhingkeh hiri licho: shajamülung anguchinung, fümüzingmütse, athohnguchi, lalingta nyichoba ko nyümong ayung cricket shaja nguchi-nyichoba licho.