Hornbill Thsüti 2025 bekhyah, ningwüm la xahmongsing khu yewüyeronung nengdang Toursim & Higher Education Minister Temjen Imna Along-nü Lerie yeyohji Kohima la Aerial Experience Helicopter Service dikehjühcho.
Hiba lümchung tsü Thumby Aviation Pvt. Ltd nü Tourism achangsahchung te chingkehcho. Kisama müdüm, Dzükou kingah ko Kohima yangdi mükang-müshü hiri tsü ningwüm chah-nü yewüyero dhingsohnung nengdang lile. Nagaland yangliza pohki, xhamongsing khu müdüm palang yewünung nengdang sü kohnung ko shitsehrüti nengdang alang lile. Hiba bekhyah shitsehrüti apüm nengdang amii ajowüuba lanü khyünung lile pü changtacho
DIPR yusi aichi, Advisor to the Chief Minister & IDAN Chairman Abu Metha, TaFMA Chairman Theja Meru, Transport department OSD Myingthungo Ababe Ezung, pilot Capt. Amitabh ko Tourism lanü azibarüti zeh hiba adikehba thüpcheh khyücho
Hornbill Thsüti bekhyah, Xahmongsing tsü Dimapur amongsing-müdongji, Kohima yeyohji ko Kigwema yeyohji lanü nguchinung. Xahmongsing khu yewüyero nengdang tsü Tourism achangsahchung khu mahkhang Kisama la Information counter lanü yusi atsidsa khyünung changtacho