Union Minister of Finance and Corporate Affairs, Nirmala Sitharaman müsütüpnyü nyümong Kiphire xodhingcho ko State Bank of India yo Corporate Social Responsibility (CSR) khu Bike Ambulance müzeh dikehjühcho.
Dr. Mereninla Sanlem, Principal Director, Health and Family Welfare Kohima-nü thüpcheh langnücho ko Dr. Watsutho Nyuthe, Medical Superindent, District Hospital Kiphire-nü muikuh chongcha ko azikeh yusi jühcho.
Yusi aichi, chünye SBI khu Blood Bank nengdang (Apehcho khihkhang lü 5.81 lakh) ko muikuh bichiba kohro dhsütah nengdang (Apehcho khihkhang lü 59 lakh) jühcho. Lahkehli Bike ambulance münga (5) Primay Health Centre (PHC) nengdang sü thsi 20 lakh-nü lihjühcho.
SIDBI-nü sü multi-utility bike ambulance münga (5) lihjühcho.
Hiri tsü ayahnguchi thüpcheh la Rajesh Kumar DMD SBI, Temjen Imna Along, Minister Tourism & Higher education ko District administration zeh-nü jühcho
Abi xodhing te, atsauba lanü khyüchocho nengdang Sitharaman-nü yangliza thsaxüküm, District Administration ko muikuh achangsahchung te akünyang changtacho ko hiri CSR-nü jühba ti khu Kiphire la muikuh dhsütah apüm la trochehnung lümdhingjühcho. Yulümta lide, Kiphire muikuh la dhsütahti ko anguchirü müküsüba hiri abi te changtacho. Abi-nü yangliza ko district administration te mütohzah akangjüh nguchinung thsüchicho.
Kiphire Chief Medical officer Dr. R. Wapang Imchen-nü Health & Family welfare achangsahchung nengla, Delhi lanü rorü azirüti, Yangliza thsaxüküm, Kiphire la liba mülungti ko thüpcheh la zehrüti apüm te akünyang changtacho.
Mütohzah, anyüzehlang, Hon’ble Union Finance Minister-nü xodhingcho nengla 14 NAP (IR) Battalion Kiphire la liliyah thüpcheh khyücho.
Yusi jührü: Longtili